اصلاح الاشرطه المخدوشه طريقه ناجحه 100%

مشكلة الاشرطه المخدوشه

نظرا لكثرة الاعضاء اللي حصلت لهم مشكلة ان الشريط ما يشتغل ...

ويخربط عليهم الجهاز ويقول :





وتنظف مني لبكرا وما يصير !!!

ونظرا لحبي الشديد بإفادة اخواني

فمن هذا المنطلق كتبت لكم هذه السطور وهذا الحل والذي استخدمه اكثر من 4 شهور

واللي اعتبره حل فللللللللله

لان الشريط لو ما اشتغل تروح تقطه اوتنقعه وتشرب مايه ابرك !!

مامنه فايده نهااائي مغير تصور معاه وتقول للناس كااااان عندي الشريط فلان بن فلاني بس تخدش وخرب هع



المهم خلونا نبدأ

فبسم الله الرحمن الرحيم ..



اولا: المشكله:

هي عباره عن حدوث خدش بالشريط وبالتالي التعليق عند اللعب او حتى عدم التشغيل نهائياً

والخدش عباره عن نوعين>>> 1- من الجهاز 2- منك .



1- أ. خدش بسبب الجهاز (عند التحريك والتغيير من الوضع الافقي للرأسي والشريط في حالة تشغيل او العكس من الافقي للرأسي ) صارت معي طبعا وحلها عندي وانا ابو هندي

ب. مشكله من الدرايف حق الجهاز يخدش الاشرطه ( حلها توديه ورشه تشوف له صرفه )



2- منك: وهو عباره سوء استخدام او تمسكه بيد الوغدان ( البزران) ويشخطون فيه لين يقولون بس والحل عندي وانا ابو .....



ثانيا:الحل

بالبدايه هذا شريط جيرز حبيبي مشخط على شكل دوائر شوفو :





زاوية أخرى:





السبب:الاكس بوكس كانت شغاله وعلى الوضع الرأسي وجأ اخوي الصغير فديته (3سنين عمره ) وطيحها وصار اللي صار !!

اول مره كفخت اخوي وكسرت راسه لين قلت بس

لان الشريط ب200 ريال تقريبا يعني مو بلااااااااش !!

والمره الثانيه على شريط فورزا حبيبي الثاني وكسرت راس اخوي مره ثانيه !!

بس حرااام يروحون علي شريطين بسبب طيحه انت كنت متعود تطيح الجهاز بps2 وما يصير شي !!!!!

ومع الحل اللي اكتشفته كل ما طاحت حبيت خشم اخوي وقلت ولا يهمك مسافه الطريقه للمحل ويشتغل هع

مع العلم اني قبلها حاولت بأكثر من طريقه اني اشيل الخدوش وشريت هالاغراض بس ما نفع:

(الصوره قيد التصوير)



المهم نجي للحل :

سواء طاح الجهاز وصارت دوائر على كيف كيفك

او تشخط بسبب اهمالك او اهمال غيرك الزِبـدة تشخط



تروح تدور لك محل عنده هالآله:





وهي عباره عن آلة تشيل التشخيطات والخمسات (الدواير) اللي على الاشرطه

وانا عن نفسي كل ما تشخط شريط رحت وديته وسويته بربع دينار = 2 ريال تقريبا !!!

تصدقون والله 2 ريال توفر عليك 200 ريال اللي هي شريط جديد !!!

يا سلام اشرايكم بالحل .. وصرت **ون عنده اسويلي 5 اشرطه بربع ولا نص والله !!



وهذي صوره توضيحيه لطريقة عمل الآله :

اول شي التشغيل ادعسسسس





ثاني شي يحط الشريط ويسويله تنظيف (مثل البولييش ) شوفو الصوره وتفهمون





وهذا شريطنا بعد تنظيف البشره شوفو شلون صار وراحت الخدوش منه !!





زاوية أخرى :




والسعوديه وباقي الدول 100% فيها هالجهاز تحصلونه عند المحلات !!


واذا ما حصلتو عليكم بجهاز اسمه CD clinic

وهذي صورته



عباره عن مكينة يدوية تعالج الخدوش البسيطه

وهالآله اصبرو علي واقولكم وين يبيعونها بعد ...

واللي يعرف لا يبخل علينا ....

ويوجد هذا الجهاز بجرير

وطبعا وظيفتها نفس الآله اللي شفتو صورتها فوووق بس هذي للشغل البسيط يعني المهمات السهله هذيك للمهمات الصعبه .. هذي ناعمه تحس وهذيك خشنه لووول

واذا ما لقيتو هالجهاز مالكم الا تودونو حق بوليش السيارات ....

لكن والله ما جربت عليه شي للحين بجرب وبردلكم خبر ....

المهم ارجو ان الموضوع نال على اعجابكم واستفدتو منه .. والطريقه مجربه اكثر من مره يعني لا تخافون .. بعدين اذا ما جربتها الشريط خربان خربان !! حاول شنو خسران !!

واخيراً حقوق الموضوع والصور محفوظه لجميع المسلمين ...

ملاحظه:الطريقه هذي للخدوش السطحيه يعني السكين او اي آله حاده ما راح تنفع معاه يعني

الموضوع منقول للفائده والله يجزا الي تعب عليه خير

تقبلو تحياتي